Adiskide,

Gutun hau sinatzen dugunok urte luzeak eman ditugu gure historia berreskuratzeko ahaleginetan. Izan ere, gure iragana ahantzi genezan politikoki egin duten lanari aitzin egiteko, gaur egungo egoera ahalbidetu duten gertaerak ezagutzea bertzerik ez dugu.

Nafar Estatuko herritartasuna berreskuratzea gure lehendabiziko eskubide demokratikoa da; ezinbertzekoa gainontzeko eskubideen jabe izateko. Nahitaezkoa mundu mailako egitate kultural, ekonomiko zein linguistikoan inor izateko; bizirauteko, alegia.

Hortaz, jakintza guztiek beharrezko duten hedapena aintzat hartuta, ekimen berezi bezain pozgarriaren berri eman nahi dizugu: gure historia, kultura eta nortasuna ezagutaraztea xede duen egitura sortu da: NABARRALDE S.L.

NABARRALDE S.L. unibertsitate eta enpresa munduko profesional anitzen bultzadaz sortu da. Gu, era honetako tresna baten beharraz jabetuta gaude.

NABARRALDE S.L.k eman digun ondoko orrialdea bidaltzen dizugu, nahi baduzu, zure datuekin bete, bidali edo telefonoz dei diezaiezun. Harpidetza agiria da. Haren bitartez NABARRALDEk ekoitziko dituen produktuak (hilabetekaria, buletina, liburuak, informazioa, artikuluak...) jasotzeko eskubidea izanen duzu.

Esker mila.