Noaingo martxaren pregoia
Itsasaldeko nafarra naiz ni
kaixo denoi ta osasuna
kresal usainez azaltzen dut nik
euskaldun nafartasuna
bertsoen bidez aldarrikatuz
euskararen erresuma
horren garesti ordaindu dugu
ahanzturaren isuna
behartutako banaketaren
mendetako iluntasuna
arbasoen ohiartzuna
seme-alabei entzuna
borondateak elkartu beza
ezpatak bereizi zuna
aldaketaren aroan gaude
gurea da etorkizuna.